Yalla Changeالمشاريع

ماذا قال المشاركين في تدريب المشاركة الفاعلة والمناصرة في برنامح Yalla Change 

 

ماذا قال المشاركين في تدريب المشاركة الفاعلة والمناصرة في برنامج Yalla Change 

 

“في يلا تشينج تعلمت كيف أحدد الاحتياجات اختار القضايا وفقاً لأهميتها على تيرمومتر القضايا وهاد ممكن يساعدنا نصمم حملات مناصرة مؤثرة “ 

يارا أبو شنب – المحافظة الوسطى

 

” مش هقدر اوصف هالتجربة في هالبرنامج وشو غيرت بحياتي، كل الحب ل يلا تشينج “

غازي الخالدي – غزة 

 

” البرنامج مميز كتير وتعلمت مهارات جديدة وفيه تحسنت بس برضو لسا ما بعرف كل المشتركين محتاجين نجتمع كلنا أكتر “

هديل حمودة – شمال غزة 

 

” برنامج يلا تشينج من البرامج المميزة اللي ساعدتنا في كتير شغلات نبني فيها شخصيتنا ،ـ اكتسبت كتير مهارات خلال فترة التدريب كان جو حلو كتير مختلف عن جو الدورات التقليدية ومع أفضل المدربين”

أحمد مهدي – غزة

 

” بصراحة كنت حروح أول 10 دقايق لأنو كنت بعرفش حدا وخفت وما حبيت الوضع وحسيت حالي غريبة أما من اول يوم كل اشي تغير عندي و هالبرنامج من أحلى الفرص بحياتي وعرفني ع ناس كتير”

دينا أبو وردة – شمال غزة 

 

عبدالله محيسن

” انا يمكن كنت جامد و مختلطش بحد قبل التدريب و كنت بحالي، بس بعدها عنجد الأشخاص الي حواليا و البرنامج نفسه خلاني أتواصل مع الناس “

عبد الله محيسن – غزة 

 

” من أحلى الفرص اللي قدمت عليها بحياتي، عيلة وحدة، روح فريق متقبلين بعض، محترمين الإختلاف “

ياسمين مهنا – غزة 

 

برنامج كتير حلو وتعرفت على أحلى ناس، وتعلمت أشياء جديدة أول مره تمر عليا “

شروق أبو ظريفة – خانيونس 

” انا من الى قدموا طلب ل يلا تشينج 2017 والطلب صار في مشكلة و رجعت قدمت طلب جديد وكان العدد مكتفى بس إيمانا مني إنو يلا تشينج نقلة نوعية بحياة أي متدرب قدمت ع البرنامج للعام 2018 “

عامر محيسن – غزة 

 

بصدق فرق واضح بين محمد قبل التدريب ومحمد هلقيت .. مفاهيم جديدة تعرفت عليها، أساليب رائعة ومهارات أصبحت من متطلبات الحياة، أصدقاء جدد ورائعين “

محمد جرادة – غزة 

 

هديل أبو زيد

” أول مرة أشارك بهيك برنامج و أكون من ضمن فريق كامل من كل محافظات غزة و من كل التخصصات الجامعية”” كنت حد صعب اتعامل مع اي حد بخالفني الرأي (مخي صعب) بس هلأ صرت أكتر اشي أحبو هو الاختلاف لنتعلم من بعض “.

هديل ابو زيد – خانيونس 

 

فارس عبد الجواد

” رغم انو أخدت دورات تدريبية كثيرة و قدمت دورات تدريبية لكن حسّيت بطعم التدريب الصح مع يلا تشينج “.

فارس عبد الجواد – غزة

 

مهند أبو مدللة

” تجربة كتير حلوة اكتسبت من خلالها كتير من المفاهيم و قدرت أفهم كتير شغلات في مجالات متعددة منها حملات المناصرة و قدرت أتعمق في مجال السوشيال ميديا  ،صرت أصحى بدري و متحمس أكون معاكو في كل لحظة و بكفي أني تعرفت على ناس حلوة و مبدعة و متقدمة”

مهند أبو مدللة – غزة 

 

خليل النجار

” برنامج حلو كتير جدا و استفدنا منو أشياء ما سمعنا عنها من قبل هيك “

خليل النجار – رفح 

إسراء البنا

” يلا تشنيج فعلا انت التغيير، وكان بصمة رائعة زاد المعلومات و زاد الخبرة و أعطتنا فرصة اكتر عشان نكون قادة بكل مكان حنكون فيه “.

اسراء البنا – غزة 

 

مرح عبد الباري

بالنسبة إلي أول برنامج محسش بالملل و إنو المعلومات قديمة أو طريقة عرضها مملة “

مرح عبد الباري – شمال غزة 

 

محمد العبسي


“في شغلات كتير كنا مغيبين عنها متل معرفتنا بحقوق الإنسان و كمان طرق الحشد و المناصرة  ، يمكن كنا بنآمن إن التغيير صعب بس مع تدريباتنا و لما شفنا تجارب الناس إلي قبلنا صار عنا أمل صار لازم نغير “

محمد العبسي – وسط غزة 

 

آمنة النواتي

” هالبرنامج كسر عندي حواجز كتيرة، خلاني مؤمنة بشغلات أكتر، أعظم أيام وأغلى اصحاب وأفضل عائلة “

 

آلاء العلمي

” يلا تشينج بالنسبة إلى هوا التغيير، غير كتير أشياء في حياتي، كتير انبسطت انكم أعطتوني الفرصة لأكون ضمن أحلى عائلة اللي عنجد بتمثل عيلتي التانية “.

الاء العلمي – غزة 

 

إيمان نوفل

” لما سجلت ببرنامج يلا تشينج كنت بتمنى يقبلوني وشعور حلو لما وصلني مسج إنو إنقبلت بالبرنامج  ،كل شي حلو، تعرفت ع ناس طيبة وحبابة، تعرفت ع مصطلحات مكنتش بعرفها و كيف اتجاهاتي تكون صح وكيف افكر “.

ايمان نوفل – خانوينس 

 

بيسان الحاج

” عشر ايام ملئيين بالمعرفة والإنبساط و أحلى اشي الأخوة يلي بين المشتركين، بجد كتيير انبسطت معكو “

بيسان الحاج – وسط غزة 

اظهر المزيد

المنتدى الاجتماعي التنموي

مؤسسةٌ أهليةٌ تعملُ في فلسطين، أُسِّسَت عام 2006م، بمبادرة من مجموعة من النشطاء الشباب؛ من أجل بناء نموذجٍ أهلي مهني ،قادر على تقديم الخدمات المجتمعية باستثمارٍ أفضل للموارد والإمكانيات المتاحة، وتحقيق رؤية تنموية، وفق منهجٍ شمولي قائم على احترام حقوق الإنسان، والقانون، والقيم المدنية.

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى