Go Digitalاخبار المنتدىالمشاريع

من فكرة صغيرة لمبادرة مجتمعية “القوة بالشباب”

 لما توصل لمرحلة تشوف فيها فكرة كنت راسمها بخيالك وبتتنفذ على ارض الواقع – يعني الخيال صار حقيقة – فهو من اعظم أنواع الفخر و الفرحة الي ممكن تحس فيها ، هيك كانت تجربتنا في جو سكول، بدأت من فكرة صغيرة لحد ما تنفذت وصارت فرحة بقلوب الأطفال واهلهم ، بعد مشاركتنا في مدرسة التعلم المدني جو سكول كان مطلوب مننا كشباب انو نساهم بتنفيذ مبادرة بتساهم في تحسين جودة الخدمات المقدمة من البلدية للمواطنين ، فكرنا وبدأنا بالبحث من أقصى الجنوب إلى أقصى الشمال على المكان الأكثر احتياجاً وحيخدم فئة أكبر من المواطنين.  لحد ما وصلنا لوجود أماكن وبعض الخدمات ولكن مش موجودة بالشكل الفعال و وجودة الخدمات بسيطة وما بتلبي احتياجات المواطن ، ومن هنا كان هدفنا نعيد تأهيل الموجودة ، نرمم مكان ونخليه يرجع يقدم خدماته للمواطنين بالشكل المطلوب. بعد بحث استمر لأكثر من شهرين، أخيراً وقع الاختيار على منتزه المنشية في مدينة بيت لاهيا شمال القطاع، بدانا بالتنسيق مع البلدية والي لاقينا منها ترحيب كبير وتعاون ساعدنا انو نكمل عملية الترميم بالشكل المطلوب، وقعنا الاتفاقية بحضور رئيس مجلس إدارة المنتدى ورئيس بلدية بيت لاهيا وبعض أعضاء جو سكول، وكانت أول مرة بشارك بمراسم توقيع اتفاقيات.

بدأت مرحلة التنفيذ نزلت مع زملائي زيارات عديدة لتحديد الاحتياجات ووضع المخططات والنقاش كان بدور حول كيف حنخلي المنتزه الأحلى؟ بدأنا بدهان المكان، تركيب الكراسي ، تصليح الألعاب ، ضع مظلات، تسوية الأرض وإزالة العوائق عشان تصير مساحة امانة للأطفال ، وفعليا كانت أجواء العمل رائعة ومتعبة وتجربة يمكن اول مرة بالنسبة الي أقوم بهيك اعمال بس كنت حاسة بشعور المسؤولية والانتماء للمكان اللي بشتغل فيه وانو احنا فعليا قادرين على صنع التغيير.

أخيراً يوم الافتتاح  27 مارس 2022، ما بقدر اوصف كمية الفرحة والشعور بالإنجاز يوم الافتتاح لما شفنا توافد العائلات واطفالهم للمنتزه وكمية الفرحة بعيون الأطفال ، شكرا جدا لجو سكول وشباب جو سكول على التجربة الأكثر من مميزة و الشكر الأكبر للمنتدى الاجتماعي التنموي الي كان دايما بعزز فينا مقولة انو ” القوة بالشباب ” ما بنسى كل حد كان يمشي من جمب المنتزه واحنا بنشتغل و يحكيلنا يعطيكم العافية ، ولا بنسى جملة حكالنا إياها راجل كبير وهو مارق من عنا قال ” اعظم دول العالم وأكثرها تقدم هي الي بكون افرادها قادرين يعطوا بدون مقابل واحنا ممكن نكون هيك بشباب زيكم ” انا مروة قشطة وفخورة جدا اني كنت جزء من تجربة فريدة مثل هيك.

اظهر المزيد

المنتدى الاجتماعي التنموي

مؤسسةٌ أهليةٌ تعملُ في فلسطين، أُسِّسَت عام 2006م، بمبادرة من مجموعة من النشطاء الشباب؛ من أجل بناء نموذجٍ أهلي مهني ،قادر على تقديم الخدمات المجتمعية باستثمارٍ أفضل للموارد والإمكانيات المتاحة، وتحقيق رؤية تنموية، وفق منهجٍ شمولي قائم على احترام حقوق الإنسان، والقانون، والقيم المدنية.

مقالات ذات صلة

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
AllEscort